“Tokio-2020”: Sərbəst güləşçimiz Turan Bayramovun ilk rəqibi müəyyənləşib
Bakı, 4 avqust, AZƏRTAC
“Tokio-2020” Yay Olimpiya Oyunlarında mübarizə aparacaq Azərbaycanın sərbəst güləşçisi Turan Bayramovun ilk rəqibi müəyyənləşib.
AZƏRTAC xəbər verir ki, 74 kiloqram çəki dərəcəsində çıxış edən güləşçimiz səkkizdəbir final mərhələsində Ukrayna təmsilçisi Vasil Mixaylovla qarşılaşacaq.
Qeyd edək ki, bu çəki dərəcəsində görüşlər avqustun 5-də Bakı vaxtı ilə saat 06:30-da start götürəcək.
Xatırladaq ki, ölkəmizin aktivinə üç bürünc medalı qadın cüdoçu İrina Kindzerska, boksçu Alfonso Dominges və yunan-Roma güləşçisi Rafiq Hüseynov yazdırıblar.
Bölmənin digər xəbərləri
