Tolga Murat Özdemir: Azərbaycan və Türkiyə güclü enerji infrastrukturu yarada bilər
İzmir, 5 sentyabr, Günel Karatepe, AZƏRTAC
Azərbaycan bizim qardaş ölkəmizdir. Biz daima “Bir millət, iki dövlət” prinsipinə əsaslanaraq hərəkət edirik. Fikrimcə, dünyada bunun başqa bir bənzəri yoxdur. Bu, dildə olduğu kimi, əməldə də belədir. Biz eyni dili danışırıq və bir birimizi çox gözəl anlayırıq. Coğrafi baxımından da çox yaxınıq. Bütün bunlar çox böyük məna daşıyır.
Bu fikirləri AZƏRTAC-a açıqlamasında Türkiyənin bərpaolunan enerji gücü istehsalı şirkəti “Maxxen Energy”nin İdarə Heyətinin sədri Tolga Murat Özdemir ifadə edib.
“Mən günəş enerji sistemlərini təmsil etmək üçün ilk Türkiyə-Azərbaycan Enerji Forumunda Günəş Enerjisi Dərnəyinin sədri olaraq iştirak etmişəm. Artıq dördüncü forumumuzu keçiririk. Burada iki dövlətin enerji məsələlərində təkmilləşdirə biləcəyi çox vacib layihələr müzakirə edilir. Bizdə enerji saxlama, günəş enerjisi, texnologiya, mühəndislik, avadanlıq istehsalı, sizdə isə hər il daha çox inkişaf edən bir iqtisadiyyat var. Bütün bunların fonunda çox güclü enerji infrastrukturu yarada bilərik”, - deyə şirkət rəhbəri bildirib.
Bölmənin digər xəbərləri
