REGİONLAR
Torpaq məcralı Balakən-Tuqay kanalı beton üzlüyə alınır
Bakı, 19 iyun, AZƏRTAC
Balakəndə yanvar-may aylarında suvarmaya hazırlıqla əlaqədar kanallarda 112 min kubmetr həcmində lildən təmizləmə işləri aparılıb. İlin əvvəlindən bu günə kimi “Balakən-1” kanalının beton üzlüyə alınması və üzərindəki qurğularla birlikdə təmiri işləri davam etdirilir.
Meliorasiya və Su Təsərrüfatı ASC-nin nümayəndəsi Dilqəm Şərifov AZƏRTAC-a bildirib ki, torpaq məcralı Balakən-Tuqay kanalının beton üzlüyə alınması, üzərindəki qurğularla birlikdə əsaslı təmiri işlərinə də artıq start verilib. Həmçinin Katexçay çayının sağ sahilində Katex kəndini mühafizə edən daş-beton bəndinin əsaslı təmiri aparılır.
Qeyd edək ki, Balakən ölkəmizin sıx çay şəbəkələrinə malik olan bölgələrindən biridir. Mazımçay, Katexçay, Balakənçay, Dəliçay, Himbul, İnterçay çayları sululuğu ilə seçilir. Mövsümlə əlaqədar olaraq həmin çaylar daşaraq ətrafdakı kəndlərə, əkin sahələrinə zərər vurur. Bunun qarşısını almaq məqsədlə mövcud bəndlər bərkidilir.
Ümumilikdə rayon ərazisində 201 min kubmetrdən artıq tənzimləmə işləri həyata keçirilib.
Bölmənin digər xəbərləri
