Tramp Böyük Britaniyanın yeni Baş naziri ilə telefonla danışıb
Vaşinqton, 21 iyul, AZƏRTAC
ABŞ Prezidenti Donald Tramp Böyük Britaniyanın yeni Baş naziri Endi Börnhamla telefonla danışıb.
AZƏRTAC xəbər verir ki, bu barədə Tramp “Truth” sosial şəbəkəsində yazıb.
O, söhbətin çox yaxşı keçdiyini deyib. ABŞ Prezidenti qarşılıqlı maraq doğuran mövzular üçün çox da uzaq olmayan gələcəkdə görüşəcəklərini bildirib.
“Baş nazirin qarşısında böyük bir iş var, amma o, bunu edə biləcək və əlbəttə ki, ABŞ kömək üçün orada olacaq. Şimal dənizi nefti, ticarət, hərbi alyans, Hörmüz boğazının minalardan təmizlənməsi və bir çox digər mövzuları müzakirə etdik”,- deyə Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
