Tramp Milli Kəşfiyyatın müvəqqəti rəhbərinə məxfi məlumatları açıqlamaq səlahiyyəti verib
Bakı, 1 iyul, AZƏRTAC
ABŞ Prezidenti Donald Tramp Milli Kəşfiyyatın direktoru vəzifəsini müvəqqəti icra edən Bill Pultiyə istənilən məlumatın məxfiliyini aradan qaldırmaq səlahiyyəti verib.
AZƏRTAC xəbər verir ki, Donald Tramp bu barədə jurnalistlərə açıqlamasında deyib.
Onun sözlərinə görə, Bill Pulti həmin vəzifədə bir neçə ay çalışacaq və o, bu müddət ərzində zəruri hesab etdiyi bütün məlumatların məxfiliyini aradan qaldıra bilər.
Prezident, həmçinin əlavə edib ki, daimi direktor vəzifəsinə Cey Kleytonun namizədliyinə iki həftə sonra Senatın Kəşfiyyat Komitəsində baxılacaq.
Xatırladaq ki, Bill Pulti iyunun 19-dan bəri müvəqqəti olaraq Milli Kəşfiyyatın rəhbəri vəzifəsini icra edir.
Bölmənin digər xəbərləri
