TRANZİT YÜKLƏRİN PAYI 33,4 FAİZ OLMUŞDUR
AZƏRTAC Dövlət Statistika Komitəsinə istinadla xəbər verir ki, bu ilin yanvar-sentyabr aylarında Avropa-Qafqaz-Asiya (Avrasiya) beynəlxalq nəqliyyat dəhlizinin Azərbaycandan keçən hissəsində dəmir yolu ilə həyata keçirilən daşınmaların 5,8 milyon tonunu, yaxud 33,4 faizini tranzit yüklər təşkil etmişdir. Bu yüklərin 59 faizi neft və neft məhsullarından, 18,1 faizi tikinti materiallarından, 2,5 faizi taxıl və üyüdülmüş məhsullardan, qalan hissəsi isə digər mallardan ibarət olmuşdur. Yük daşınmasından 435 milyard manat, sərnişin daşınmasından isə 7,2 milyard manat gəlir götürülmüşdür.
Bölmənin digər xəbərləri
