TUNİSDƏ İNFORMASİYA CƏMİYYƏTİ MƏSƏLƏLƏRİNƏ DAİR ÜMUMDÜNYA SAMMİTİ AÇILMIŞDIR
Tunisdə 170-dən çox ölkənin nümayəndələri internetin inkişafına, ondan hər yerdə sərbəst istifadənin təmin olunmasına dair telekommunikasiya və informasiya proqramlarının maliyyələşdirilməsi fondunun fəaliyyəti ilə bağlı məsələləri, habelə başlıca problemi – “ümumdünya toru”na beynəlxalq nəzarətin və onun idarə edilməsinin təşkili problemini müzakirə edəcəklər. Bu, zirvə toplantısı ərəfəsində qızğın diskussiyalar mövzusu olmuşdur. Toplantının açılışına təxminən bir neçə saat qalmış məlum olmuşdur ki, ABŞ internetin idarə edilməsinə dair kompromisli qərarla razılaşmışdır. Daxil olan adlar və rəqəmlərin internet-korporasiyasının – İKANN-ın statusuna toxunmadan, internetə aid məsələlərin müzakirəsi üçün beynəlxalq forum çağırılması haqqında qərar qəbul edilmişdir. İKANN statusuna görə ictimai korporasiyadır və Kaliforniyada (ABŞ) yerləşir.
Zirvə toplantısında rabitə və informasiya texnologiyaları naziri Əli Abbasovun başçılığı ilə Azərbaycan nümayəndə heyəti də iştirak edir.
Bölmənin digər xəbərləri
