Bakı, 19 sentyabr, AZƏRTAC

“Turan Cavid xatirələrdə” adlı kitab hazırlanır.

Bu barədə AZƏRTAC-a Hüseyn Cavidin ev-muzeyindən məlumat verilib. Bildirilib ki, kitab böyük şair və dramaturq Hüseyn Cavidin qızı, görkəmli muzeyşünas və mətnşünas, Əməkdar mədəniyyət işçisi Turan Cavidin həyat və fəaliyyətinə həsr edilib.

Turan Cavidin atası Hüseyn Cavid irsinin toplanmasında, qorunmasında, təbliğində, nəşrində və tədqiqində mühüm rolu olub. O, görkəmli ədibin Bakıdakı ev-muzeyinə 1991-2004-cü illərdə rəhbərlik edib. T.Cavid həmin muzeyin təşkilində və zənginləşdirilməsində böyük xidmətlər göstərib.