TÜRKİYƏ NAZİRİ İĞTİŞAŞSIZ ÖTÜŞMƏYİ XAHİŞ ETMİŞDİR
AZƏRTAC xarici KİV-lərə istinadla xəbər verir ki, Türkiyənin idman naziri Mehmet Əli Sahin ölkəsinin futbol azarkeşlərini 2006-cı il dünya çempionatının seçmə turniri çərçivəsində İsveçrə yığması ilə keçiriləcək cavab görüşü zamanı və oyun başa çatandan sonra kütləvi iğtişaşlardan çəkinməyə çağırmışdır. Xatırladaq ki, Türkiyə komandası birinci görüşdə 0:2 hesabı ilə məğlub olmuşdur. Nazirin bu müraciəti onunla izah edilir ki, həmin yığmaların birinci görüşündə isveçrəli azarkeşlər özlərini nalayiq aparmışlar. Türklərin iddiasına görə, isveçrəlilər Türkiyə himnini fitə basmış, stadionun heyəti Türkiyə yığmasının məşqçisi Fatih Terimi nalayiq sözlərlə təhqir etmişlər.
Bölmənin digər xəbərləri
