Türkiyə qaz sahəsində Azərbaycanla əməkdaşlığa dair sənədi təsdiq edib
Ankara, 5 mart, AZƏRTAC
Türkiyə ilə Azərbaycan arasında qaz sahəsində əməkdaşlığa dair hökumətlərarası Sazişin təsdiq edilməsi haqqında Qanun martın 5-də, çərşənbə günü qüvvəyə minib.
AZƏRTAC xəbər verir ki, sənədin mətni bu gün Türkiyə hökumətinin rəsmi qəzetində - “Resmi Gazete”də dərc olunub.
Türkiyə ilə Azərbaycan arasında enerji sahəsində əməkdaşlığın dərinləşdirilməsi məqsədi ilə iki qardaş ölkə arasında qaz sahəsində əməkdaşlığa dair hökumətlərarası Saziş 2024-cü il mayın 14-də İstanbulda imzalanıb.
Bu sənəd, həmçinin Bakı ilə Ankara arasında enerji sektorunda birgə investisiyalar üzrə əməkdaşlığı nəzərdə tutur.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
