Türkiyə Suriyada meşə yanğınlarının söndürülməsi əməliyyatlarına qoşulub
Qahirə, 5 iyul, AZƏRTAC
Suriyanın Latakiya vilayətinin kənd ərazilərində baş verən meşə yanğınlarının söndürülməsi əməliyyatlarında iştirak etmək üçün Türkiyə ilə əməkdaşlıq barədə razılıq əldə olunub.
AZƏRTAC SANA xəbər agentliyinə istinadla bildirir ki, bunu Suriyanın fövqəladə hallar və fəlakətlərin idarə olunması naziri Raid əs-Salih deyib.
Qeyd olunub ki, Suriyada Turkman dağının yaxınlığında yerləşən sərhəd bölgəsi olan “Yeyladagh” ərazisində Türkiyə tərəfi ilə keçirilən birgə operativ iclasda Latakiyadakı meşə yanğınlarına qarşı birgə müdaxilə və cavab tədbirlərini koordinasiya etmək barədə müzakirələr aparılıb. Son vaxtlar meşə yanğınları ilə mübarizə aparan Türkiyə tərəfindən bu gün səhər Suriyaya iki yanğınsöndürmə helikopteri və 11 texnika (8 yanğınsöndürmə maşını və 3 su təminat qoşqusu) əməliyyatlara cəlb olunub.
Bildirilir ki, fövqəladə hallar, yanğınsöndürmə və mülki müdafiə qrupları müxtəlif nazirliklərdən və əyalətlərdən olan personal ilə birgə Latakiyanın şimalında geniş əraziləri əhatə edən yanğınları söndürmək, onların yeni bölgələrə və kəndlərə yayılmasının qarşısını almaq üçün çətin iqlim şəraitində işlərini davam etdirirlər.
Qahirə
Bölmənin digər xəbərləri
