Bakı, 4 sentyabr, AZƏRTAC

Türkiyə Prezidenti Rəcəb Tayyib Ərdoğan Rusiyanın Soçi şəhərinə səfərə yola düşüb.

AZƏRTAC Anadolu agentliyinə istinadla xəbər verir ki, bu gün Soçidə Rusiya Prezidenti Vladimir Putin ilə Türkiyə Prezidenti Rəcəb Tayyib Ərdoğan arasında görüş keçiriləcək. Görüşdə taxıl dəhlizinin bərpası və Ukraynada davam edən hərbi əməliyyatlar müzakirə mövzusu olacaq.

Bununla yanaşı, prezidentlər ikitərəfli əlaqələrin inkişafı, o cümlədən nəqliyyat, enerji, ticarət və turizm sahələrində əməkdaşlığın perspektivlərini də nəzərdən keçirəcəklər.