Türkiyə vətəndaşı Xocalı soyqırımının dünyada tanınması üçün Ankaradan Xocalıya 2800 kilometrlik yürüşə başlamışdır
Ankara, 30 mart (AZƏRTAC). Türkiyə vətəndaşı Qələndər Bayramlı Xocalı soyqırımının dünyada tanınması üçün Ankaradan Xocalıya 2800 kilometrlik yürüşə başlamışdır.
Novruz bayramında Türkiyə paytaxtının Kızılay meydanından yola çıxan və hazırda Yozqat şəhərinə çatmış Q.Bayramlı AZƏRTAC-ın müxbirinə bildirmişdir ki, bu yürüşlə Türkiyə və digər ölkələrin parlamentlərində Xocalı soyqırımının tanınmasına və bu qətliamı törədənlərin cəzalandırılmasına diqqəti çəkmək istəyir. İki qız övladının adlarının da Azər və Baycan olduğunu dilə gətirən yürüşçü demişdir ki, o üç ay müddətində Naxçıvan və İran ərazisindən keçərək Azərbaycanın paytaxtı Bakıya gələcək və buradan Xocalıya gedəcəkdir.
Oqtay Bayramov
AZƏRTAC-ın xüsusi müxbiri
Ankara
Bölmənin digər xəbərləri
