TÜRKİYƏDƏ FACİƏLİ AVTOMOBİL QƏZASI BAŞ VERMİŞDİR
Mayın 19-da Türkiyədə baş vermiş avtomobil qəzası nəticəsində azı 42 adam həlak olmuş, altı nəfər ağır zədələr almışdır. Onlar yaxınlıqdakı xəstəxanaya aparılmışdır.
AZƏRTAC xəbər verir ki, Si-En-En-Türk telekanalının yaydığı məlumata görə, hadisə Osmaniyə-Qazıantep avtomobil yolunda baş vermişdir. Əcnəbiləri aparan yük maşını yolun kənarında dayanmış yük maşınına çırpılmışdır.
Polisin məlumatına görə, yük maşınında gedənlər əfqanıstanlı və banqladeşli qaçqınlar idi. Qəzanın səbəbi hələlik məlum deyildir.
Bölmənin digər xəbərləri
