Türkiyədən Çinə ilk ixrac qatarı yola düşüb
İstanbul, 4 dekabr, AZƏRTAC
Türkiyədən Çinə ilk ixrac qatarı dekabrın 4-də yola düşüb.
AZƏRTAC xəbər verir ki, bu barədə Türkiyənin Xarici İşlər Nazirliyindən bildirilib.
Məlumatda qeyd edilib ki, ilk dəfə Türkiyənin rəhbərliyi ilə Çindən yola çıxaraq Transxəzər Şərq-Qərb Mərkəzi Dəhlizi və Marmaraydan istifadə etməklə 2019-cu ilin noyabr ayında Avropanın Praqa şəhərinə çatan tranzit qatar sonradan Çin-Türkiyə-Avropa xətti üzrə 10 blok olaraq fəaliyyət göstərib. Bu dəfə ixrac yükü daşıyan qatar ilk dəfə Türkiyədən Çinə hərəkət edir. Ölkəmiz şərqlə qərb arasındakı əlaqəni inkişaf etdirmək və bölgədəki mərkəzi mövqeyini möhkəmləndirmək üçün nəqliyyat sahəsində lazımi addımları atmaqda davam edəcək.
İstanbuldan yola çıxan qatar Bakı-Tbilisi-Qars dəmir yolu xətti və Transxəzər Şərq-Qərb Mərkəzi Dəhlizi vasitəsilə Çinə gedəcək. Ümumilikdə 8693 kilometr yol gedəcək qatarın 2 qitə, 2 dəniz və 5 ölkədən keçərək 12 günə Çinə çatması planlaşdırılır.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
