TÜRKİYƏNİN XARİCİ İŞLƏR NAZİRİ GÖZLƏNİLMƏDƏN DƏMƏŞQƏ SƏFƏR ETMİŞDİR
Türkiyə XİN-in Ankarada açıqlanmış bəyanatında deyilir ki, bu ölkə regionda baş verənlərə laqeyd qala bilməz. Səfər zamanı əsas diqqət BMT Təhlükəsizlik Şurasının müvafiq qətnaməsinin Suriya tərəfindən tam yerinə yetirilməsinin vacibliyinə yönəldiləcəkdir. Türkiyə XİN bildirmişdir ki, Ankara regionda yeni gərginliyin yaranması əleyhinə qətiyyətlə çıxış edir və ölkələrarası mövcud problemlərin dialoq yolu ilə həllinə tərəfdardır.
Türkiyə diplomatı Suriyanı qonşu İraqda da vəziyyəti sabitləşdirməyə kömək etməyə çağırmaq niyyətindədir.
A.Gülün Dəməşqdə müzakirə etmək istədiyi daha bir məsələ separatçı Kürd İşçi Partiyasının (KİP) Suriyadakı fəaliyyəti ilə bağlıdır. Türkiyə hökuməti KİP-i milli təhlükəsizliyə ən böyük hədələrdən biri sayır.
Nazir Dəməşqə Baş nazir Rəcəb Tayyib Ərdoğanın yanında ölkənin güc nazirlikləri rəhbərləri ilə təcili iclasdan dərhal sonra yollanmışdır. Müşavirədə Türkiyənin cənub-şərqində vəziyyətin qəflətən kəskinləşməsi məsələsi müzakirə olunmuşdur.
Bölmənin digər xəbərləri
