Tusk: Yaxın günlərdə Vaşinqtonda Ukrayna üçün təhlükəsizlik zəmanətləri imzalana bilər
Bakı, 6 yanvar, AZƏRTAC
ABŞ və Avropa ölkələri yaxın günlərdə Vaşinqtonda Ukraynanın təhlükəsizliyinə dair zəmanətləri nəzərdə tutan sənədləri imzalaya bilərlər.
AZƏRTAC xəbər verir ki, Polşanın Baş naziri Donald Tusk bu barədə Parisə “İstəklilər koalisiyası”nın görüşünə yola düşərkən jurnalistlərə deyib. “Paris görüşündən hər hansı bir qərar gözləməyə dəyməz. ABŞ və Avropanın yekun ortaq mövqeyini təsdiqləyəcək sənədlərin imzalanması yaxın günlərdə, çox güman ki, Vaşinqtonda baş tutacaq”, – deyə Donald Tusk bildirib.
Qeyd edək ki, çərşənbə axşamı Parisdə “İstəklilər koalisiyası”nın formatı çərçivəsində yüksəksəviyyəli görüş keçiriləcək. Görüşdə ABŞ Prezidenti Donald Trampın xüsusi elçisi Stiv Uitkoff və ABŞ liderinin kürəkəni Cared Kuşnerin də iştirakı gözlənilir.
Bölmənin digər xəbərləri
