UCARIN ALPOUT KƏNDİNDƏ BAYTARLIQ MƏNTƏQƏSİ TİKİLİR
Ucar, 2 noyabr (AZƏRTAC). Dövlət Baytarlıq Xidmətinin sifarişi ilə Alpoutda, eləcə də ətraf kəndlərdə baytarlıq xidmətinin daha yaxşı təşkilinə imkan verəcək yeni bina inşa olunur.
Tikinti işləri Kənd Təsərrüfatı Nazirliyinin bərpa tikinti-quraşdırma idarəsi tərəfindən aparılır. Obyektin ilin sonunadək istifadəyə verilməsi nəzərdə tutulur.
Rayon baytarlıq idarəsindən bildirmişlər ki, son illər bölgədə kənd təsərrüfatının aparıcı sahələrindən olan heyvandarlıq intensiv olaraq inkişaf edir və iribuynuzlu mal-qaranın, eləcə də davarların baş sayı artır. Belə bir şəraitdə bütün ərazilərdə heyvanlar üzərində nəzarətin intensiv aparılması, baş verə biləcək xəstəliklərin vaxtında aşkar edilməsi, profilaktik tədbirlərin gücləndirilməsi ayrı-ayrı ərazilərdə məntəqələrin normal fəaliyyətini zəruri edir. Bu baxımdan Alpoutda tikilən yeni bina ətraf ərazidə baytarlıq xidmətinin keyfiyyət və səmərəsini xeyli yaxşılaşdırmağa şərait yaradacaqdır.
Bölmənin digər xəbərləri
