Üç mindən çox müəllim təkrar sertifikatlaşdırma prosesinin müsahibə mərhələsində uğur qazanıb
Bakı, 24 sentyabr, AZƏRTAC
Müəllimlərin təkrar sertifikatlaşdırılması prosesinin müsahibə mərhələsinin nəticələri açıqlanıb.
Təhsil İnstitutu nəzdində İnsan Resursları Mərkəzindən AZƏRTAC-a bildirilib ki, təkrar sertifikatlaşdırmanın müsahibələrində 3393 müəllim uğur qazanaraq sertifikatlaşdırmadan keçmiş hesab olunub. Müsahibələrdə 99 faiz davamiyyət qeydə alınıb.
Təkrar sertifikatlaşdırmadan keçmiş 3252 müəllimin vəzifə maaşına 35 faiz, 24 müəllimin maaşına isə 10 faiz artım tətbiq olunacaq.
Qeyd edək ki, müsahibə mərhələsinin apellyasiya müraciətləri 25 sentyabr saat 12:00-dan başlayaraq qəbul olunacaq. Müəllimlər şəxsi kabinetlərinə daxil olaraq 24 saat ərzində apellyasiya müraciəti edə bilərlər.
Bölmənin digər xəbərləri
