Üç ölkə “EXPO 2030” Ümumdünya sərgisini keçirməyə hazırdır
Bakı, 22 iyun, AZƏRTAC
Üç ölkənin liderləri “EXPO 2030” Ümumdünya sərgisinin keçirilməsi üçün ölkələrini təklif edirlər.
AZƏRTAC xəbər verir ki, Parisdə iki gün davam edən Baş Assambleyada Beynəlxalq Sərgilər Bürosunun üzvü olan 179 ölkədən olan nümayəndələr “EXPO-2030” sərgisinə ev sahibliyi etmək üçün namizədlər qismində üç ölkə - Səudiyyə Ərəbistanı, Cənubi Koreya və İtaliyanın seçilməsi üçün səs veriblər.
Səsvermədən sonra Səudiyyə Ərəbistanının xarici işlər naziri şahzadə Feysəl bin Farhan Əl-Səud sərginin paytaxt Ər-Riyadda keçirilməsi layihəsini təqdim edib. Cənubi Koreyanın Prezidenti Yun Sok Yol ölkəsinin ikinci ən böyük şəhəri olan Pusanı dəstəkləməyə çağırıb. İtaliyanın Baş naziri Corca Meloni deyib ki, onun ölkəsi paytaxt Romada ekoloji cəhətdən təmiz dost sərgisinin keçirilməsini qarşısına məqsəd qoyub.
Beynəlxalq Sərgilər Büronun üzvü olan ölkələr “EXPO-2030” Ümumdünya sərgisinin harada keçiriləcəyinə noyabrda keçirilən növbəti Baş Assambleyada qərar verəcəklər.
Bölmənin digər xəbərləri
