ÜÇGÜNLÜK SEMİNAR BAŞA ÇATMIŞDIR
AZƏRTAC-ın müxbiri xəbər verir ki, seminarda təhsil islahatı ilə əlaqədar pedaqoji kadrların hazırlanması, yerlərdə yeni təlim metodlarından istifadənin vəziyyəti, rayon müəllimlərinin ixtisaslarının artırılması ilə əlaqədar bölgələrdə dayaq məntəqələrinin işi, əlaqələndiricilərin fəaliyyəti və vəzifələri müzakirə olunmuşdur.
İnstitutun rektoru, professor Məmmədhənifə Musayev, Əlaqələndirmə Şurasının rəhbəri, professor Ramiz Məmmədzadə, dosent Atəş Abdullayev təlimin yeni fəal və interaktiv üsulları haqqında məlumat vermiş, metodkabinet işinin planlaşdırılması, metodistlərin hazırlıq səviyyəsinin yüksəldilməsi, yerlərdə sifariş-təklif proqramı üzrə işin aparılması barədə tövsiyələri diqqətə çatdırmışlar.
Sonda bu cür tədbirlərin keçirilməsinin təlimin keyfiyyətinə yüksək təsir göstərdiyini vurğulayan rayon nümayəndələri institutun rəhbərliyinə minnətdarlıqlarını bildirmişlər.
Bölmənin digər xəbərləri
