Üçüncü Avropa Oyunları: Azərbaycan atletləri ilk yarış günündə idmanın iki növündə mübarizə aparacaqlar

21.06.2023 [08:00]
Çap et
A⁺ A^-

Krakov, 21 iyun, AZƏRTAC

Bu gün Polşanın Krakov şəhərində üçüncü Avropa Oyunlarına start veriləcək.

AZƏRTAC xəbər verir ki, Oyunların ilk rəsmi günündə yeddi idman növü üzrə yarışlar təşkil olunacaq.

İdmançılar atletika və çimərlik həndbolunda mübarizəyə qoşulacaqlar. Həmçinin sinxron üzgüçülük, basketbol 3X3, BMX, kanoe-sprint və padeldə yarışlar başlayacaq.

Azərbaycan yığması bu növlərdən ikisində təmsil olunacaq. Atletlərimiz bu növdəki ikinci yarış günündə güclərini sınayacaqlar. Həmçinin padeldəki təmsilçilərimiz mübarizəyə qoşulacaqlar.

Günə Bakı vaxtı ilə saat 20:30-da başlayacaq açılış mərasimi ilə yekun vurulacaq.

İlk günün təqvimi:

Padel

11:00. Qadın cütləri

1/16 final. Nərminə Bağırova, Samirə Əliyeva

Atletika

11:40. Kişilər, uzunluğa tullanma

Kəsgin Abbaszadə

12:08. Kişilər, lövhəatma

İsmayıl Əliyev

13:02. Qadınlar, 800 m

Anna Yusupova