UEFA Avropa Liqası: Könüllülər Proqramına müraciət mərhələsində rekord göstərici qeydə alınıb
Bakı, 7 may, AZƏRTAC
UEFA Avropa Liqasının final oyununun Bakıda keçirilməsi ilə əlaqədar yaradılmış Könüllülər Proqramına müraciət mərhələsində rekord göstərici qeydə alınıb.
AZƏRTAC AFFA-ya istinadla xəbər verir ki, dekabrın 13-dən yanvarın 31-dək davam edən qeydiyyat prosesində 3 mindən çox könüllünün qeydiyyatdan keçməsi ilə UEFA Avropa Liqasının, eləcə də UEFA klub yarışlarının finalı tarixində ilkə imza atılıb.
Müsahibə mərhələsinə dəvət olunan könüllülərdən yalnız 1364 namizəd proqrama qoşulmaq şansı əldə edib.
Qeyd edək ki, proqrama qoşulan könüllülər üçün ümumi təlimlərə artıq start verilib. Təlimlər 2018-ci ildə Rusiyada keçirilmiş dünya çempionatı zamanı Sankt-Peterburqdakı “Zenit Arena”da fəaliyyət göstərən təlimçilər tərəfindən aparılır. Hər gün saat 10:00-dan 19:00-dək davam edən təlimlərə mayın 3-də yekun vurulub.
Bölmənin digər xəbərləri
