Uels Şahzadəsi kimyaterapiya müalicəsini başa vurduğunu açıqlayıb
London, 9 sentyabr, AZƏRTAC
Uels Şahzadəsi Keyt Middlton kimyaterapiya müalicəsini başa vurduğunu açıqlayıb.
AZƏRTAC xəbər verir ki, Keyt Middlton bu barədə “X” sosial şəbəkə hesabında video paylaşıb. Videoda onun həyat yoldaşı Şahzadə Uilyam və uşaqları ilə keçirdiyi xüsusi anlar yer alır. O, son 9 ayın özü və ailəsi üçün çətin keçdiyini, kimyaterapiya müalicəsini başa vurduğu üçün isə çox sevindiyini bildirib. Eyni zamanda, diqqətini xərçəngdən qorunmağa yönəldəcəyini əlavə edib.
Qeyd edək ki, bu ilin yanvarında Keyt Middlton qarın nahiyəsindən əməliyyat keçirdiyini açıqlamışdı. Mart ayında isə xərçəng hüceyrələrinin aşkarlandığını və profilaktik kimyaterapiya müalicəsi almalı olduğunu təsdiqləmişdi.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
