Ukrayna Ali Radası kadr dəyişikliklərinə dair qərarlar qəbul edib
Kiyev, 5 sentyabr, AZƏRTAC
Ukrayna Ali Radası Oleksiy Reznikovun Ukraynanın müdafiə naziri vəzifəsindən azad edilməsinə dair qərar qəbul edib. Qərarı 327 deputat dəstəkləyib.
AZƏRTAC xəbər verir ki, bu barədə Ukrayna Ali Radasının deputatı Yaroslav Jeleznyak məlumat verib.
Ali Radanın digər qərarı ilə Rüstəm Umerov Dövlət Əmlak Fondunun rəhbəri vəzifəsindən azad edilib. Qərarı 302 deputat dəstəkləyib. Bu gün Ukrayna Prezidenti Volodimir Zelenski Umerovun Ukraynanın müdafiə naziri təyin olunması təklifi ilə çıxış etməlidir. Sabah Radada isə Umerovun müdafiə naziri təyin edilməsinə dair səsvermə olacaq.
Ukrayna Ali Radası bu gün, həmçinin Antiinhisar Komitəsinin rəhbəri Olqa Pişanskayanı da vəzifəsindən azad edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
