Ukrayna koronavirusla mübarizəyə 36 milyon dollar vəsait xərcləyib
Kiyev, 7 aprel, AZƏRTAC
Ukrayna koronavirusla mübarizəyə bir milyard qrivna (36 milyon dollar) vəsait xərcləyib. AZƏRTAC xəbər verir ki, bu barədə "Prozorro" dövlət satınalma sistemi məlumat yayıb.
"Ümumiyyətlə, Ukrayna martın 20-dən aprelin 6-dək koronavirusla mübarizə çərçivəsində 952 milyon qrivna məbləğində müxtəlif tibb vasitələr alıb", - deyə məlumatda bildirilir.
Bu məbləğin 7 faizi - 65 milyon qrivnanın - temperaturun ölçülməsi üçün kameralara xərclənib.
Bundan əlavə, bu dövrdə tibbi avadanlıqlara (mexaniki havalandırma aparatları və s.) - 190 milyon qrivna, tibbi materiallara (əlcəklər, üz maskaları, respirator, izolyasiya kostyumları) - 147 milyon qrivna, anesteziya və reanimasiya üçün avadanlıq - 116 milyon qrivna xərclənib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
