UKRAYNA TURİN OLİMPİADASINDA QAZANILACAQ QƏLƏBƏYƏ GÖRƏ MÜKAFATLARI MÜƏYYƏNLƏŞDİRMİŞDİR
Ukrayna idmançılarını Olimpiya, Paralimpiya oyunlarında, dünya universiadaları və çempionatlarında, Avropa çempionatlarında iştirak etməyə hazırlayan təşkilat komitəsi Turində keçiriləcək qış Olimpiya oyunları qaliblərinin maddi mükafatlandırılması üçün yüksək standartlar müəyyənləşdirilməsi barədə ölkənin ailə, gənclər və idman işləri naziri Yuri Pavlenkonun qərarını dəstəkləmişdir.
AZƏRTAC Ukrayna KİV-lərinə istinadla xəbər verir ki, ölkə idmançıları qızıl medallar üçün dövlətdən 100 min dollara, gümüş medallar üçün 70 min dollara, bürünc medallar üçünsə 50 min dollara bərabər mükafat alacaqlar.
Bölmənin digər xəbərləri
