Ukraynada koronavirusdan ölənlərin sayı artır
Kiyev, 7 aprel, AZƏRTAC
Ukraynada koronavirusa yoluxanların sayı 1462 nəfərə çatıb ki, onların 100-ə yaxını uşaqdır. Ən çox yoluxma halı Kiyevdə qeydə alınıb.
AZƏRTAC ölkənin Səhiyyə Nazirliyinə istinadla xəbər verir ki, Ukraynada koronavirusa yoluxanların 60 faizi 30-59, 20,7 faizi isə 60-100 yaşlı insanlardır. Ölkənin 15 vilayətində koronavirusla bağlı fövqəladə vəziyyət elan edilib. Son sutkada bu virusdan 6 nəfər ölüb. Ümumilikdə, koronavirusdan ölənlərin sayı 45 nəfərə çatıb. Koronavirusdan ölənlərin 85 faizində ürək-damar xəstəlikləri, şəkərli diabet, böyrək çatışmazlığı olub. 28 nəfər tam müalicə olunaraq evlərinə qayıdıb. Ukraynada koronavirusun yayılması ilə bağlı pik hədd aprelin 14-dən sonra proqnozlaşdırılır.
Qeyd edək ki, ölkədə aprelin 24-dək bütün beynəlxalq uçuşlar dayandırılıb, karantin elan edilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
