Ukraynada seçki kampaniyası başlayandan bəri 117 cinayət işi açılıb
Kiyev, 4 mart, AZƏRTAC
Ukraynada seçki kampaniyası başlayandan bəri 117 cinayət işi açılıb və 19 nəfər şübhəli şəxs qismində saxlanılıb.
AZƏRTAC Ukrayna Milli Polisinin mətbuat xidmətinin yaydığı məlumata istinadla xəbər verir ki, 53 iş seçki qanunvericiliyinin pozulması, 64-ü isə seçki kampaniyasının aparılması ilə bağlıdır. Ümumilikdə, seçki kampaniyası dövründə seçki prosesi ilə bağlı polisə 2347 məlumat daxil olub. Bunlardan 1420-si qanunsuz təbliğat, 257-si seçicilərin alınması, 81-i xuliqanlıq və digər qanun pozuntularıdır.
Qeyd edək ki, Ukraynada prezident seçkiləri martın 31-də keçiriləcək. Artıq martın 2-dən hüquq mühafizə orqanları seçki məntəqələrinin yoxlanılmasına başlayıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
