Ukraynaya kredit ayrıldıqdan sonra rəsmi Kiyev təzyiqlərlə üzləşir
Bakı, 28 aprel, AZƏRTAC
Avropa İttifaqı Kiyev üçün 90 milyard avroluq krediti təsdiqlədikdən sonra Ukrayna donorların təzyiqi ilə üzləşib.
AZƏRTAC xəbər verir ki, bu barədə “Berliner Zeitung” qəzeti məlumat yayıb.
“Avropa fondlarından asılılıq Ukrayna rəhbərliyinə donorların etimadını qazanmaq üçün təzyiqi artırır”, - deyə məqalədə deyilir.
Nəşrin yazdığına görə, Brüsselin milyardlarla avro ayırmağına baxmayaraq bu vəsait Kiyevin bütün ehtiyaclarını ödəmək üçün kifayət etmir. Ukraynanın cari maliyyə kəsiri ilkin hesablamalardan xeyli yüksək olub. ABŞ-nin Ukraynanın maliyyə dəstəyindən geri çəkilməsi və Avropanın aktiv müdaxiləsi fonunda Kiyev yeni böhrana yaxınlaşır.
Ekspertlərin sözlərinə görə, Brüssel tərəfindən Ukraynaya ayrılan 90 milyard avroluq kredit kifayət etməyəcək, çünki vəsait təsdiqləndikdən sonra Kiyevin ehtiyacları artıb.
Bölmənin digər xəbərləri
