Ulu Öndərin 100 illiyi münasibətilə bədii qiraət müsabiqəsi keçiriləcək
Bakı, 1 may, AZƏRTAC
Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə mayın 3-5-də müstəqil Azərbaycan dövlətinin qurucusu, Ümummilli Lider Heydər Əliyevin 100 illik yubileyinə həsr olunmuş “Sən elə bir zirvəsən” adlı bədii qiraət müsabiqəsi keçiriləcək.
Teatr Xadimləri İttifaqından AZƏRTAC-a bildirilib ki, müsabiqənin keçirilməsində məqsəd dövlətçilik salnaməmizdə silinməz izlər qoymuş, azərbaycanlı olması ilə hər zaman fəxr etmiş, milli qürur və iftixar mənbəyimiz olan Heydər Əliyevə həsr olunmuş ədəbi-bədii nümunələri təbliğ etmək, habelə milli mədəniyyət məkanında baş verən yaradıcılıq proseslərini fəallaşdırmaq, bədii qiraətə olan marağı artırmaq və yeni yaradıcılıq axtarışlarına şərait yaratmaqdır.
Tədbir Azərbaycan Teatr Xadimləri İttifaqının böyük zalında gerçəkləşəcək.
Bölmənin digər xəbərləri
