Ümummilli Liderin anadan olmasının ildönümü münasibətilə Silahlı Qüvvələrdə tədbirlər keçirilir
Bakı, 9 may, AZƏRTAC
Azərbaycan xalqının ümummilli lideri Heydər Əliyevin anadan olmasının 93-cü ildönümü münasibətilə Müdafiə Nazirliyinin tabeliyində olan birlik, birləşmə və hərbi hissələrdə silsilə tədbirlər keçirilir.
Nazirliyin mətbuat xidmətindən AZƏRTAC-a bildiriblər ki, müdafiə nazirinin göstərişinə əsasən, təsdiq olunmuş plan üzrə şəxsi heyət Heydər Əliyev mərkəzlərini, muzeyləri və abidələri ziyarət edir. Hərbi hissələrdə ulu öndər Heydər Əliyevin həyat və yaradıcılığı barədə videofilmlər nümayiş etdirilir, ictimai-siyasi hazırlıq dərslərində, tərbiyəvi iş saatlarında söhbətlər aparılır, eləcə də digər mədəni-kütləvi tədbirlər təşkil olunur.
Bölmənin digər xəbərləri
