UNEC-in əməkdaşı Albaniyada keçirilən konfransda Qarabağın inkişafından danışıb
Bakı, 22 iyun, AZƏRTAC
Azərbaycan Dövlət İqtisad Universitetinin (UNEC) Elmi fəaliyyətin təşkili şöbəsinin müdiri və Xanım Tədqiqatçılar Şurasının rəhbəri Nərgiz Hacıyeva Albaniyanın Tirana şəhərində yerləşən Kanada Texnologiya İnstitutu tərəfindən keçirilən “Rəqəmsallaşmaya və iqtisadi inkişafa multidisiplinar yanaşmalar” adlı III beynəlxalq konfransda məruzəçi kimi çıxış edib.
UNEC-dən AZƏRTAC-a bildirilib ki, İsveç, Böyük Britaniya, Slovakiya, Bosniya və Herseqovina, Yunanıstan, Türkiyə, Səudiyyə Ərəbistanı, Macarıstan, Polşa, Çexiya və digər ölkələrin alim və tədqiqatçılarının iştirak etdiyi konfransa onlayn qatılan Nərgiz Hacıyeva işğaldan azad olunmuş ərazilərin yaşıl enerji potensialından danışıb. O, Qarabağa investorların cəlb edilməsi, yaşıl enerji üzrə geostrateji-iqtisadi dördlük anlaşması haqqında məlumat verərək, gələcək dönəmlərdə Azərbaycanın etibarlı yaşıl enerji təminatçısı kimi Avropa ölkələrinə elektrik enerjisinin daşınması barədə elmi təhlillərini konfrans iştirakçılarının diqqətinə çatdırıb.
Bölmənin digər xəbərləri
