Uorren Baffet xeyriyyə fondlarına 4,6 milyard dollarlıq səhm ianə edib
Bakı, 22 iyun, AZƏRTAC
Amerikalı sərmayəçi Uorren Baffet özünün yaratdığı “Berkshire Hathaway Inc.” investisiya kompaniyasının 4,6 milyard dollarlıq səhmlərini beş xeyriyyə fonduna köçürüb.
AZƏRTAC Market Watch saytına istinadla xəbər verir ki, Uorren Baffet Bill və Melinda Qeyts fonduna 3,6 milyard dollar, üç övladının xeyriyyə təşkilatlarına isə ümumilikdə 1 milyard dollar məbləğində səhm ianə edib.
Amerikalı sahibkar hər il təxminən bu vaxtlar xeyriyyə təşkilatlarına ianələr köçürür. O, 2006-cı ildə “Berkshire Hathaway” kompaniyasına məxsus səhmlərin 85 faizini “Gates Foundation” fonduna köçürməyi vəd etmişdir.
Uorren Baffet hazırda “Berkshire” kompaniyasının 112 milyard dollarlıq 218 min 287 səhminə sahibdir.
Bölmənin digər xəbərləri
