Uşaq hüquqlarının həyata keçirilməsinə dair elektron məlumat bankı yaradılacaqdır
Bakı, 6 noyabr (AZƏRTAC). Ailə, Qadın və Uşaq Problemləri üzrə Dövlət Komitəsi uşaq hüquqlarının həyata keçirilməsinə dair elektron məlumat bankı yaradacaqdır.
Komitədən AZƏRTAC-a bildirmişlər ki, məlumat bankının yaradılması üçün nəzərdə tutulmuş 2014-cü ilin büdcəsinə vəsait nəzərdə tutulmuşdur. Artıq uşaqların hüquqlarının təmin edilməsi üzrə elektron məlumat bankının strukturu hazırdır. Gələn il məlumat bankının proqram təminatı və lazımi avadanlıq sifariş olunacaqdır. Hazırda bununla bağlı müvafiq şirkətlərlə danışıqlar aparılır.
Qeyd edək ki, bu il yanvarın 15-də Nazirlər Kabinetinin qərarı ilə “Uşaq hüquqlarının həyata keçirilməsinə dair elektron məlumat bankının təşkili və aparılması Qaydası” təsdiq olunmuşdur.
Bölmənin digər xəbərləri
