Venesiya meriyası turistlərdən alınan rüsumu bərpa edir
Bakı, 17 aprel, AZƏRTAC
İtaliyanın Venesiya şəhərinə 5 avroluq giriş haqqı cümə günü bərpa olunacaq. Belə ki, bu ilin ən böyük dəyişikliyi isə şəhərə son anda gələn turistlərin ikiqat ödəniş etməsidir.
AZƏRTAC xəbər verir ki, Venesiya şəhərinin rəsmiləri hələ də ümid edirlər ki, ötən il 2,4 milyon avro gəlir gətirən bu sxem həddindən artıq turist axınının qarşısını almağa kömək edəcək.
Aprelin 18-dən turistlər şəhərə daxil olmaq üçün 5 avro ödəməlidir. Amma bilet səfərə üç gündən az qalmış alınıbsa, məbləğ iki dəfə artaraq 10 avroya çatır. Yeni qayda aprelin 18-dən iyulun 27-dək olan 54 günə - əsasən həftə sonlarına aiddir. Bu, əvvəlki illə müqayisədə demək olar ki, iki dəfə çoxdur. “The Guardian” xəbər verir ki, rüsum yerli vaxtla saat 8:30-dan 16:00-a qədər alınır.
Şəhərin əsas girişlərində, məsələn, Venesiya Santa Lusia qatar stansiyasında turistlər müfəttişlərə verginin ödənildiyini təsdiq edən QR kodu təqdim etməlidirlər. Yalnız bir gecəlik yer sifariş edən turistlər ödənişdən azaddırlar.
Ötən il Venesiyaya gələnlərin sayında yeni rekord qeydə alınıb. Hər il təxminən 30 milyon insan buraya axın edir, onların əksəriyyəti yalnız bir günlüyünə gəlir.
“Venezia Today” yerli xəbər saytının məlumatına görə, artıq 35 mindən çox turist bir günlük səfər üçün bilet sifariş edib.
Bölmənin digər xəbərləri
