VERGİLƏR NAZİRLİYİNDƏ DAXİLİ KADR YERDƏYİŞMƏSİNİN SİYASİ MOTİVLƏRLƏ HEÇ BİR ƏLAQƏSİ YOXDUR
Vergilər Nazirliyinin ictimaiyyətlə əlaqələr şöbəsindən AZƏRTAC-a bildirmişlər ki, son günlər kütləvi informasiya vasitələrində nazirlikdə aparılan daxili kadr yerdəyişmələri ilə bağlı qeyri-səhih məlumatlar dərc olunur. Bununla əlaqədar bildiririk ki, işində yol verdiyi nöqsanlara, rəhbərlik etdiyi struktur bölmədə nizam-intizam qaydalarını pozduğuna, həmçinin sentyabr-oktyabr aylarında vergi daxilolmaları üzrə proqnozun nəzərdə tutulan həcmdə yerinə yetirilməsini təmin etmədiyinə görə, Bakı Şəhər Vergilər Departamentinin rəisi, III dərəcəli dövlət vergi xidməti müşaviri Manaf Bayramov tutduğu vəzifədən azad edilmiş və sərəncama verilmişdir.
M.Bayramovun tutduğu vəzifədən azad edilməsi heç bir siyasi motivlərlə əlaqədar deyil və Vergilər Nazirliyinin daxili kadr dəyişikliklərinin nəticəsidir.
Hazırda Bakı Şəhər Vergilər Departamenti rəisinin səlahiyyətlərini vergilər nazirinin müavini, baş vergi xidməti müşaviri Natiq Əmirov icra edir.
Bölmənin digər xəbərləri
