VƏTƏNDAŞLARDAN NARKOTİK VASİTƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, həyata keçirilmiş əməliyyat tədbirləri nəticəsində Nəqliyyatda Baş Polis İdarəsinin əməkdaşları Bakı şəhər sakini Orxan İmaməliyevdən 0,3 qram həşiş, Yevlax Rayon Polis Şöbəsinin əməkdaşları isə rayon sakini Sabir İsmayılovdan 0,524 qram heroin götürmüşlər.
Kəpəz Rayon Polis Şöbəsinin əməkdaşları Yeni Gəncə qəsəbə sakini, əvvəllər məhkum olunmuş Aydın Məmmədovdan 63,84 qram marixuana götürmüş, Sabunçu Rayon Polis İdarəsinin əməkdaşları isə keçirdikləri əməliyyat tədbirləri nəticəsində Biləsuvar rayon sakini Yusif Qasımovu 203,101 qram heroini satarkən yaxalamışlar.
Nərimanov Rayon Polis İdarəsinin əməkdaşları keçirdikləri əməliyyat tədbirləri nəticəsində Bakı şəhər sakini Elşən Ağayevi Binəqədi qəsəbə sakini, əvvəllər məhkum olunmuş Fərid Əliyevə 0,228 qram heroini satarkən tutmuşlar.
Quba Rayon Polis Şöbəsinin əməkdaşlarının keçirdikləri əməliyyat tədbirləri nəticəsində Zərdabi kənd sakini Kərim Həmidovdan 0,222 qram heroin götürülmüşdür. Ona narkotik vasitəni satmış Xaçmaz rayon sakini Azər Teymurxanlı tutulmuşdur.
Faktlarla bağlı araşdırmalar aparılır.
Bölmənin digər xəbərləri
