Vidadi Həsənov: Teatrların formatı dəyişməli, özəl teatrlara üstünlük verilməlidir
Bakı, 12 aprel, AZƏRTAC
Azərbaycan Dövlət Mədəniyyət və İncəsənət Universitetini bitirən istedadlı tələbələrin bir hissəsi 3-4 ildən sonra taksi fəaliyyəti ilə məşğul olurlar. Bu adamların özlərini realizə etmələrinə imkan yaradılmır.
AZƏRTAC xəbər verir ki, bu sözləri "M-Teatr"ının rəhbəri, Xalq artisti Vidadi Həsənov "Azərbaycan teatrı - 150: inkişaf perspektivləri" mövzusunda keçirilən Teatr Forumunda deyib.
Fikirlərinə davam edən Xalq artisti söyləyib: “Bunun üçün özəl teatrlar olmalıdır. Qərarlarda, qanunlarda dəyişikliklər lazımdır. Teatrların formatı dəyişilməlidir. Özəl teatrlara üstünlük verilməlidir. Hansı sahədə özəl fəaliyyət varsa, orada inkişaf var. Çünki rəqabət olmayan yerdə inkişaf da ola bilməz. Buna görə yeni özəl teatrlar yaranmalıdır. Bakıda 17 müstəqil teatr fəaliyyət göstərir. Onlardan cəmi ikisinin binası var. Qalanları orda-burda tamaşalar hazırlayıb, göstərirlər”, - deyə Xalq artisti söyləyib.
Bölmənin digər xəbərləri
