Videodərslər portalı təhsil almaq imkanlarını genişləndirir
Bakı, 15 yanvar, AZƏRTAC
Videodərslər portalı (www.video.edu.az) interaktiv texnologiyalar tətbiq etməklə təhsil almaq imkanlarını genişləndirir.
Təhsil Nazirliyindən AZƏRTAC-a bildirilib ki, hazırda portalda ümumi və peşə təhsili üzrə teledərslər, peşəkar müəllimlərin videodərs izahları, 3D animasiyalı videolar, STEAM (Science, Technology, Engineering, Art, Math) üzrə videodərslər, “Khan Academy” dərsləri və qiymətləndirmə sistemli dərslər olmaqla, ümumilikdə 4528 videodərs mövcuddur.
Portalda 2020-ci il üzrə aktiv istifadəçi sayı 456 min, ümumi baxış sayı isə 6.5 milyonu əhatə edib. Ən çox izlənən videodərslər III sinif üzrə 142 min, IV sinif üzrə 156 min, V sinif üzrə 125 min olub.
Bölmənin digər xəbərləri
