Viktor Orban: Miqrasiya ilə Avropa Komissiyası məşğul olmamalıdır
Budapeşt, 4 mart, AZƏRTAC
Macarıstanın Baş naziri Viktor Orban Almaniyanın “Welt am Sonntag” qəzetinə müsahibəsində macar-alman münasibətlərinə və öz hökumətinin Avropa Parlamentindəki seçkiqabağı kampaniyasına toxunub.
AZƏRTAC xəbər verir ki, Orbanın sözlərinə görə, macar-alman münasibətlərinin üzərindəki ləkə miqrasiya probleminə yanaşmada fərqin olması ilə bağlıdır. “Biz millətlərin özlərini kənar miqrasiyadan qorumaq hüquqlarını dəstəkləyirik. Halbuki, Almaniya başqa fəlsəfəyə malikdir”, - deyə o, Almaniyanın mühafizəkar qəzetinə müsahibəsində bildirib. Baş nazir bildirib ki, Avropa Komissiyası Avropa İttifaqına üzv dövlətlərə miqrasiya məsələlərində necə hərəkət etmələri barədə yol göstərməməli və ümumiyyətlə, bu məsələlərlə məşğul olmamalıdır. “Bunun əvəzində Şengen zonası ölkələrinin daxili işlər nazirlərinin rəhbərliyi ilə bu vəzifəni öz üzərinə götürəcək yeni peşəkar orqan formalaşdırılmalıdır”, - deyə Orban əlavə edib.
Bölmənin digər xəbərləri
