VLADİMİR PUTİN KARİKATURALARA GÖRƏ QARŞIDURMADAN TƏƏSSÜFLƏNİR

07.02.2006 [22:24]
Çap et
A⁺ A^-

Rusiya Prezidenti Vladimir Putin ümid edir ki, müsəlman din xadimləri və islam dünyasının liderləri “karikatura qalmaqalı” ilə bağlı vəziyyəti nəzarət altına almağa müvəffəq olacaqlar. AZƏRTAC “Novosti” agentliyinə istinadla xəbər verir ki, Rusiya rəhbəri bunu İspaniyanın kütləvi informasiya vasitələrinə müsahibəsində bəyan etmişdir.

Vladimir Putin dini qarşıdurma zəminində dünyada baş verən hadisələrdən təəssüfləndiyini bildirmişdir. O vurğulamışdır ki, bu sahədə hər hansı fitnəkarlıq qətiyyən yolverilməzdir və ona görə də nəyisə dərc etməzdən əvvəl “yüz dəfə düşünmək” lazımdır.

Rusiya Prezidenti bu cür əməlləri, o cümlədən dindarların hisslərini təhqir edən və konfessiyalar arasına nifaq salan karikaturaların dərc olunmasını kəskin şəkildə pisləmişdir.

VLADİMİR PUTİN KARİKATURALARA GÖRƏ QARŞIDURMADAN TƏƏSSÜFLƏNİR

MÜƏLLİFLƏ ƏLAQƏ

Bölmənin digər xəbərləri