XALQ YAZIÇISININ YUBİLEY GECƏSİ KEÇİRİLİB

21.06.2004 [11:45]
Çap et
A⁺ A^-

AZƏRTAC-ın müxbiri xəbər verir ki, Naxçıvan MR-in Cəlil Məmmədquluzadə adına ədəbiyyat muzeyində “Şöhrət” ordenli xalq yazıçısı, Naxçıvan Yazıçılar Birliyinin sədri, Prezident təqaüdçüsü Hüseyn İbrahimovun anadan olmasının 85 illiyi münasibətilə yubiley gecəsi keçirilmişdir.

Muzeyin direktoru Sübhü Kəngərli tədbiri açaraq yubilyarın həyatı və yaradıcılığı barədə məlumat vermişdir.

Muzeyin əməkdaşı Xanım İsmayılova, Naxçıvan MR Mədəniyyət Nazirliyinin şöbə müdiri Zakir Məsiyev, Adil Babayev adına uşaq kitabxanasının direktoru Səlim Abbasov, şair Vaqif Məmmədov yazıçı haqqında ürək sözlərini söyləmişlər.

Axırda yazıçı Hüseyn İbrahimov çıxış edərək tədbiri təşkil edənlərə təşəkkürünü bildirmiş, gələcək yaradıcılıq planları barədə məlumat vermişdir.