Xaricdən gələn azərbaycanlı təbiblər Sumqayıt Tibb Mərkəzində olublar
Sumqayıt, 20 iyun, Ə. Rzayeva, AZƏRTAC
Tibbi Ərazi Bölmələrini İdarəetmə Birliyinin (TƏBİB) təşkilatçılığı ilə keçirilən Dünyadakı Azərbaycanlı Təbiblərin Simpoziumunda iştirak etmək üçün xaricdən gələn azərbaycanlı həkimlər Sumqayıt Tibb Mərkəzində olublar.
AZƏRTAC xəbər verir ki, Tibb Mərkəzində keçirilən simpoziumun işgüzar proqramı çərçivəsində “Cərrahiyyədə multidisiplinar yanaşmalar”, “Daxili xəstəliklərin müalicəsində yeni yanaşmalar”, “Ailə və uşaq sağlamlığına strateji yanaşma”, “Oftalmologiyada yeniliklər” mövzularında panel müzakirələr təşkil edilib.
Sonda mütəxəssislər tərəfindən iştirakçıların sualları cavablandırılıb, fikir mübadiləsi aparılıb.
Bölmənin digər xəbərləri
