Bakı, 9 sentyabr, AZƏRTAC

Elm və Təhsil Nazirliyinin akademik Həsən Əliyev adına Coğrafiya İnstitutunun şöbə müdiri Səid Səfərov, böyük elmi işçi Elnur Səfərov və Qazaxıstanın Milli Müdafiə Universitetinin müəllimi Emil Bayramovun həmmüəllifliyi ilə “Web of Science” bazasına daxil olan “International Journal of Engineering and Geosciences” jurnalında məqalə çap olunub.

İnstitutdan AZƏRTAC-a bildirilib ki, məqalə “Modis-Aqua” peyk məlumatlarından istifadə etməklə, Xəzər dənizində baş verən apvellinq hadisələrinin (okean qalxması) tədqiqinə həsr olunub. May-sentyabr aylarında baş verən apvellinq hadisələrinin yayılma arealları müəyyənləşdirilib, temperatur qradiyentləri hesablanıb.