“XƏZƏR-LƏNKƏRAN” BÖYÜK HESABLA QALİB GƏLDİ
AZƏRTAC xəbər verir ki, fevralın 23-də futbol üzrə ölkə çempionatında növbəti turun oyunları keçirilmişdir.
Doğma meydanda “Masallı” ilə qarşılaşan “Xəzər-Lənkəran” rəqib komanda üzərində 4:1 hesabı ilə qələbə qazanmışdır. Çempionatın lideri “Olimpik” “Turan”nın qapısından üç cavabsız top keçirmişdir. “Neftçi” “Gənclərbirliyi”ni 2:0, “Simurq” isə “ABN-Bərdə”ni 3:1 hesabı ilə məğlub etmişdir.
Bu oyunlardan sonra turnir cədvəlinə “Olimpik” (37 xal) başçılıq edir. “Neftçi” 33 xalla ikinci, “Xəzər-Lənkəran” isə 32 xalla üçüncü yerdədir.
Tura fevralın 24-də “Standard”-“İnter”, “Bakı”-“Qəbələ” və “Karvan”- Qarabağ” oyunları ilə yekun vurulacaqdır.
Bölmənin digər xəbərləri
