Xəzər rayonunda gənc müəllimlər arasında bilik yarışı keçirilib
Bakı, 27 may, AZƏRTAC
28 May - Respublika Günü münasibətilə Bakı Şəhər Gənclər və İdman Baş İdarəsinin (BŞGİBİ), Xəzər Rayon Gənclər və İdman İdarəsinin təşkilatçılığı ilə Xəzər rayonunun tam orta ümumtəhsil məktəblərinin gənc müəllimləri arasında bilik yarışı keçirilib.
BŞGİBİ-dən AZƏRTAC-a bildiriblər ki, əvvəlcə Xəzər Rayon Gənclər və İdman İdarəsinin rəisi Vüqar Əliyev və Baş İdarənin gənclərlə iş sektorunun müdiri Zamin Əhmədov iştirakçıları 28 May - Respublika Günü münasibətilə təbrik edərək, onlara uğurlar arzulayıblar.
Gərgin və maraqlı rəqabət mühitində keçən bilik yarışında birinci yeri 234 nömrəli tam orta məktəbin komandası tutub. 183 nömrəli tam orta məktəbin müəllimləri ikinci, 136 nömrəli tam orta məktəbin komandası isə üçüncü yerdə qərarlaşıb.
Qaliblər Baş İdarə tərəfindən kubok, diplom və xatirə hədiyyələri ilə mükafatlandırılıblar.
Bölmənin digər xəbərləri
