Xəzər rayonunun su təchizatının yaxşılaşdırılması sahəsində tədbirlər görülür
Bakı, 2 noyabr (AZƏRTAC). Xəzər rayonunda bu ilin 9 ayı ərzində su və kanalizasiya sahəsi üzrə 51 min 818 paqonmetr su xətti, 6 min 767 paqonmetr məhəllədaxili su xətləri çəkilmiş, müxtəlif ölçülü 417 paqonmetr istismara yararsız su boruları dəyişdirilmişdir.
Rayon icra hakimiyyətindən AZƏRTAC-a bildirmişlər ki, əhalinin su təminatını yaxşılaşdırmaq məqsədilə 48 ədəd su nasosları quraşdırılmış, 121 ədəd su nasosu təmir edilmişdir. Su sərfiyyatının hesabatının aparılması məqsədilə 929 ədəd mexaniki, 982 ədəd “Smart-kart” tipli su sayğacları quraşdırılmışdır.
Həmçinin Ceyranbatan-Qala su xətti çəkilmiş və Qala qəsəbəsindəki su anbarı istifadəyə verilmişdir.
Bunun nəticəsində fasilələrlə su alan 13 min 162 nəfər 24 saat ərzində fasiləsiz su ilə təmin edilmişdir. Eyni zamanda yeni su şəbəkəsinin qurulduğu ərazilərdə 464 abonent içməli su xəttinə qoşulmuşdur.
Bölmənin digər xəbərləri
