Xırdalan-Binəqədi yolunda hərəkət məhdudlaşdırılır
Bakı, 18 may, AZƏRTAC
Təmir işləri ilə əlaqədar Xırdalan-Binəqədi-Balaxanı avtomobil yolunun Binəqədi və Xırdalan qəsəbələri arasında yerləşən hissəsində mayın 18-dən 19-na keçən gecə avtonəqliyyat vasitələrinin hərəkəti məhdudlaşdırılacaq.
Bu barədə AZƏRTAC-a Azərbaycan Avtomobil Yolları Dövlət Agentliyinin mətbuat xidmətindən məlumat verilib.
Hərəkətin məhdudlaşdırılması təmir işləri yekunlaşanadək qüvvədə olacaq. Bununla əlaqədar sürücülərdən öncədən hərəkət istiqamətlərinə uyğun olaraq alternativ yollardan istifadə etmələri tövsiyə olunur.
Bölmənin digər xəbərləri
