XRİTDX: Birinci yarımil ərzində 16 milyon 993 min elektron poçt emal edilib
Bakı, 31 iyul AZƏRTAC
Azərbaycan Respublikası dövlət orqanlarının internet informasiya ehtiyatlarının və elektron poçt ünvanlarının təhlükəsizliyinin təmin edilməsi ilə bağlı bəzi tədbirlər haqqında Azərbaycan Respublikası Prezidentinin müvafiq Fərmanına əsasən, Xüsusi Rabitə və İnformasiya Təhlükəsizliyi Dövlət Xidməti (XRİTDX) tərəfindən dövlət qurumları üçün yaradılmış dövlət elektron poçt xidmətində birinci yarımil ərzində ümumilikdə 16 milyon 993 min elektron poçt emal edilib.
XRİTDX-dən AZƏRTAC-a bildirilib ki, onlardan 15 milyon 577 mini istifadəçilərə çatdırılıb, 1 milyon 416 mini zərərli tərkibli olması ilə blok olunub.
Hazırda xüsusi mühafizə avadanlıqları ilə təmin olunmuş elektron poçt xidmətindən 505 domen adı ilə dövlət qurumlarının 30.000 əməkdaşı istifadə edir.
Bölmənin digər xəbərləri
